* * *

Թե ճիշտ - թե սուտ՝ կյանք ենք ապրում ու անցնում,
Մեկն իր կյանքում ճշմարտությո՜ւնն է փնտրում,
Մյուսն իր կյանքում սուտ սնարով տա՜ք ապրում,
Մեկն իր կյանքում միշտ աստղերն է երազո՜ւմ,
Մյուսն էլ, տեսե՛ք, ասֆալտին է կյա՛նք մաշում,
Մեկն իր տունն է երազում, իր անկյունը փափագո՛ւմ,
Մյուսն էլ իր տունն անծայր տիեզե՜րքն է կարծում,
Մեկն անմահ մտքին, էությանն է մի՜շտ ձգտում,
Մյուսն էլ ագահ՝ կյանքից ավել փողին՝ աստվա՜ծ է կանչում,
Մեկը սերն է իրեն հասած լո՜ւռ բաշխում,
Մյուսն էլ՝ սեր չտեսած՝ սիրո մասին է խոսում,
Ու ապրում ենք՝ թե ճիշտ – թե սուտ, ո՞վ գիտի,
Գնում անդարձ`թողած վեճը ճշմարտի...